Gjirokastër, Labëri, Lunxhëri dhe Libohovë — dy muaj panaire agroturizmi, festival i kuzhinës tradicionale, program artistik dhe eksperienca rurale, të realizuara nga SME Albania.
SME Albania mbylli me sukses projektin “Festivali Ndërkombëtar i Agroturizmit, Kulinarisë dhe Trashëgimisë Kulturore – Gjirokastër 2026”, një nismë e madhe turistike dhe kulturore e zhvilluar në qytetin e Gjirokastrës dhe zonat rurale përreth (Labëri, Lunxhëri dhe Libohovë), gjatë periudhës 1 Qershor – 30 Korrik 2026.
Projekti synonte rritjen e flukseve turistike dhe zgjatjen e sezonit turistik në rajon, duke promovuar turizmin rural, kulinar dhe kulturor si motor të zhvillimit ekonomik lokal. Nisma i përgjigjej drejtpërdrejt prioritetit të Ministrisë së Turizmit dhe Mjedisit për zgjatjen e sezonit turistik dhe zhvillimin territorial të qëndrueshëm.
Pozicionimi i Gjirokastrës si qendër ndërkombëtare eventesh turistike dhe kulturore
Promovimi i agroturizmit dhe produkteve lokale përmes panaireve dhe degustimeve
Ruajtja dhe promovimi i trashëgimisë kulturore dhe kulinare të zonës
Përfshirja e komuniteteve rurale dhe bizneseve lokale në zinxhirin e vlerës turistike
Forcimi i markës territoriale “Gjirokastra Rural Experience”
Krijimi i mundësive për bashkëpunim ndërkombëtar
Projekti përfshiu organizimin e panaireve agroturistike, një festival kulinarie tradicionale, program artistik dhe kulturor, si dhe eksperienca turistike rurale, të pasuruara nga një platformë digjitale për promovimin afatgjatë të destinacionit.
Në aktivitete u angazhuan rreth 20–30 artistë vendas dhe ndërkombëtarë, si dhe 30–50 sipërmarrës lokalë (fermerë, bujtina, operatorë turistikë), në kuadër të aktiviteteve të zhvilluara në terren.
Projekti u realizua në bashkëpunim me Bashkinë Gjirokastër dhe Bashkinë Libohovë, Dhomën e Tregtisë dhe Industrisë Gjirokastër, universitete dhe shkolla kulinarie në Shqipëri, operatorë turistikë (përfshirë bujtinat agroturistike), si dhe artistë vendas dhe të huaj.
Festivali synoi rritjen e të ardhurave për fermerët dhe bizneset lokale, krijimin e vendeve të punës sezonale, si dhe promovimin ndërkombëtar të destinacionit përmes dokumentimit multimedial të traditave lokale.
Modeli i vendosur gjatë kësaj edicioni synon institucionalizimin e festivalit si ngjarje vjetore, e mbështetur nga partneritete publike-private, diversifikim i burimeve të financimit dhe përfshirje aktive e komunitetit lokal.
Projekt i zbatuar nga Instituti Shqiptar i SME-ve “SME Albania”, me mbështetjen e Ministrisë së Turizmit, Kulturës dhe Sportit.